لكل اعضاء ميرنا شقاوة

السلام عليكم و رحمه الله و بركاتة

أولاً فى بادئ الأمر اود ابدي احترامى و تشجيعى بالمنتدى ومواضيعة و أتمنئ من الله عز و جل ان يكون فى صدارة المواقع و مزيد من الرقى من خلال المواضيع البناءة التى تفيد القارئ و الزائر...
و بدافع من الرغبة للتقدم أود أن أنوه على بعض الأشياء التى تفيد الموقع فى الاتى على سبيل المثال لا الحصر :-
أولاً : يجب تنشيط محركات البحث و جلبها للموقع و يثور هنا السؤال هو انا اقدر اجيب محركات البحث هنا فى موقعى ؟
الاجابة نعم و بسهولة و بطريقة شرعية و على سبيل المثال جوجل يتيح هذه الخدمة لاصحاب المواقع .
طيب ليه جوجل بيسهلها علينا ؟ نجاوب و نقول لانه هو اقوى محرك بحث على الشبكه العنكبوتية و هو اغلى موقع فى العالم بعد ياهووووو فعلشان يفضل قوى لازم يسهل لمحركات البحث بتاعتة ارشفة المواقع و محتوياتها علشان النتايج تظهر فورية و كثيرة... يعنى هو بيأرشف لمصلحتة ؟ ايوااا و بيسمح لينا إننا نتحكم فى سرعة الارشفة و الزوار اللى يجوا من اى دولة و هكذاااا
و ايه كمان ؟ الكلام كتير لكن انا ازاى استغل مصلحتة فى الارشفة علشان موقعى يظهر فى اول نتايج البحث ؟
سهلة جدا نعمل حساب فى جوجل فى ادوات اصحاب المواقع و طبعا بنحط فية بيانات التسجيل زى اليوزر نيم و الباسورد و و تسجيل عادى .......
و بدخل على ادوات اصحاب المواقع بالعضوية الجديدة و اضيف موقعى علشان يارشفة بالسرعة اللى انا عايزها و بيعرفنى الاخطاء اللى اللنكات بتاعتى فين و لنكاتى الخارجية و مزاياااااا كتيرة اوى
طيب و بعد اما بدخل و بحط اسم موقعى بعمل ايه تانى ؟
هى بالساهل اى حد يحط لنك موقع كدا و يتحكم فى عمنا جوجل بطريقة مضرة ضد موقعى ؟
مضرة ؟ اهااا مضرة لان اللنكات اللى بتتارشف عندة اقدر امسحها كليا من جوجل
اهااااا
او ممكن ازود سرعة الارشفة و بالتالى سرعة تصفح محركات البحث بتاعتة هتتقل الموقع بتاعى و الزوار تتطفش
اما الواد جوجل دا طلع واد ناصح و مفتح
طيب و دى اعرفة ازاى انى انا صاحب الموقع علشان يدينى الصلاحية بالتحكم فى جوجل و محركات البحث
سؤال ممتاز و هو دا المطلوب
جوجل بيطلب منى التاكدا من هويتى و اننى صاحب الموقع و بيخيرنى اما انى اضع كود HTML فى مجلد الهوم او الببلك بيج ؟ و دول يطلعوا ايه ؟ دول يتعلقوا بالمواقع اللى ليا سماع بالدخول على الموقع من خلال السى بانيل او من خلال الاف تى بى....... و طبعا دا مش متوفر لطبيعة المنتدى المجانى
يعنى كلامك دا مش مطابق لموقعى موقع ميرنا شقاوة لا طبعا لان منتدى ميرنا شقاوة مش له سى بانيل ولا FTP .
طيب و الحل يا عم فوكس شغل دماغك ولا اسم على الفاضى ...ههههههههههههه
جوجل عمل حساب حاجة زى دى و بقى يدينا كود يوضع فى الهيدر بتاع الهوم بيج Header
و دا يدخلوا من فين يا عم الحلو طبعا من لوحة تحكم المدير الخاصة بالموقع و يدخل على الاستايل الافتراضى و تعيل فى القوالب و يدخل على الهيدر و يحطه فى اول الهيدر و يعمل حفظ... و يروح لجوجل و يقولة تاكد من الكود و بيبحث عنة فى الموقع فى الهيدر زى ما نفذنا تعليماتة بيلاقى الكود اللى اخدناة منه موجود فى الهيدر و بيفتح ليا تصاريح كتيرة جوا العضوية .....
ملحوظة من خلال جوجل بقدر اعرف حاجات كتير تتعلق بموقعى و كدا يبقى عملنا جوجل افندى اقوى محرك بحث فى العالم عنصر فعال لصالح موقعنا و بطريقة شرعية و سليمة
و طبعا نطنش كلام المواقع اللى عايز يقولك عايز تشهر موقعك ادخل و سجل و حط رابط موقعك لان كل دا ضحك على الدقوت و كل واحد عايز يشهر موقعة بيستغل رغبة باقى اصحاب المواقع فى الاشهار علشان يزود عدد زوارة من خلال اشهار مواقع الغير كان شهر موقعة هو الاول ههههههههههههه
طيب و باقى المحركات زى ياهو و ام اس ان ؟
الصبر حلو الاول و الاهم جوجل لان جوجل بيدعم جميع الدول و بلغات متعددة و هو الاهم و الباقية هانتكلم عنها فى صفحات اخرى ......
عذراً إن كنت أطلت و لكن لم ارغب فى وضع رد مشكووووورررر او ابتسامة لاظهار مشاركه او كلام من هذا القبيل و لكن اردت ان اكون فعال لصالح الموقع بموضوع اتمنئ من الله ان يكون فيه إفادة حتى و لو واحد فى المائه


و نلتقى على صفحات أخرى.............
سلام الله عليكم و رحمته و بركاته

FOX

ولكن اخى الفاضل لا يوجد تعديل قوالب

فى المنتديات المجانية

لك جزيل الشكر

طيب و الحل ايه إن كان أدمن المنتدى الرئيسى مش منشط دى لدواعى أمنية ؟ ...........
يبقى نرفع استايل جاهز فيه الكود و نخلى الاستايل الجديد هو الافتراضى ...........

جارى التخاطب.....